Қазақстан Республикасының Тұңғыш Президенті - Елбасы Н.Ә. Назарбаев 2019 жылы белсенді, креативті және талантты жастарды қолдау бойынша "Ел Үміті" бастамасын ұсынды. "Елбасы медалі" бағдарламасы осы бастаманың бір бөлігі болып табылады және оны Қазақстан Республикасы Тұңғыш Президентінің Қоры іске асырады.

№2 Песчан ЖОББМ 9 "А" сынып оқушысы Жуқан Русия "Елбасы медалі" республикалық жобасына қатысты. Русия 5 бағыт бойынша тапсырмаларды орындады: "Спорт және физикалық даму", "таланттар мен дағдылар", "Кітап оқу", "Ұлттық мұра", "волонтерлік". Жоба қорытындысы бойынша 30 мың теңгенің сертификаты, қола медалімен марапатталды. Оқушы аудан әкіміне және қатысушыларға алғыс білдірді.